Proprium – liturgiske elementy

liturgiska barwa:  fijołkojta

Gronko tyźenja

Zrownajśo se a zwigajśo waše głowy, dokulaž wašo wumóženje se pśibliža.
(Lk 21,28)

Psalm tyźenja

Ps 80

²Ty israelski pastyŕ, słyš, kenž ty Jozepa pasoš, kaž wójce; zjaw se, kenž ty sejźiš nad Cherubami.
³Zbuź twóju móc a pśiź nam k pomocy.
⁵Kněžo, Bog cebaot, kak dłujko coš ty se gniwaś nad módlenim twójogo ludu?
⁶Ty naseśijoš jich ze zełdzatym klěbom, a dajoš jim wupiś jadnu wjeliku měru połnu łdzow.
¹⁵Bog cebaot, wroś źe se, póglědaj z njebja, a glědaj na to, a wzej se górjej togo winowego krja,
¹⁶A wupórěź ten, kótaryž twója pšawica jo płoźiła, a kótaryž ty sebje na pśecej sy wuzwólił.
¹⁹Ga njocomy my wót tebje wótskócyś. Zdźarž nas pśi žywjenju, ga comy my se k twójomu mjenju wołaś.
²⁰Kněžo, Bog cebaot, troštuj nas; daj twójomu woblicu swěśiś, ga jo nam pomogane.

➚ dolnoserbska Biblija z lěta 1868

Ps 80,2.3.5–6.15–16.19–20

[Gloria in excelsis wupadnjo.]

Cytanje ze Starego testamenta

Z dolnoserbskeje Biblije wót lěta 1868

Jez 63,15–64,3

Epistola

Jak 5,7–8

⁷Toś buźćo sćerpne, lube bratśi, až do Boga Kněza pśichada. Lej, rolnik caka na kšasny płod zemje, a jo nad tym sćerpny, až wón dostanjo rany a pózny dešć.
⁸Buźćo tež wy sćerpne a mócujśo swóje wutšoby, pśeto Knězowy pśichad jo bliski.

➚ Dolnoserbska Biblije z lěta 1868

Jak 5,7–8(9–11)

Haleluja werš

Z dolnoserbskeje Biblije wót lěta 1868

Ps 96,13b

Ewangelium

Lk 21,25–33

Jezus źašo swójim wuknikam:
²⁵„Znamjenja budu na słyńcu, na mjasecu a na gwězdach, a na zemi buźo ludam stysno w brachu rady, pśeto mórjo a wódne žwały šwarce,
²⁶a luźam se zecnjo bójaznosći dla a docakanja tych tšojenjow, kenž na zemju pśiś deje; pśeto njebjow mócy budu gnute.
²⁷A zrazom budu wiźeś cłowjeka Syna, pśiducego w mrokawje z wjelikeju mócu a kšasnosću.
²⁸Gaž pak to wšykno chapja se staś, ga zrownajśo se a zwigajśo waše głowy, dokulaž se wašo wumóženje pśibliža.”
²⁹A wón powěźejo jim pśirownosć: „Glědajśo na figowy bom a na wšykne bomy,
³⁰gaž wóni něto wubijaju a wy to wiźiśo, ga wěsćo sami, až lěśojski cas jo južo bliski.
³¹Tak teke wy, gaž buźośo wiźeś, až to se wšykno stawa, wěsćo, až to Bóže kralojstwo jo bliske.
³²Zawěrno, zawěrnje ja źeju wam: Ten rod njezajźo, nježli to wšykno se stanjo.
³³Njebjo a zemja zajźotej, ale móje słowa nikula njezajdu.”

➚ dolnoserbska Biblija z lěta 1868:

Lk 21,25–33

Prjatkaŕske teksty

Z dolnoserbskeje Biblije wót lěta 1868

V Hus 2,8-13

➚ teke: Dolnoserbske perikopy, Chóśebuz 2011