Reminiscere (Spominaj, Kněžo, na twóju zmilnosć. Ps 25,6)

Proprium – liturgiske elementy

śichy cas

liturgiska barwa: wioletna

Gronko tyźenja

Bog wopokazujo swóju lubosć k nam w tom, až Kristus za nas jo wumrěł, ako hyšći grěšniki běchmy. (Rom 5,8)

Prjatkaŕske teksty

Z dolnoserbskeje Biblije wót lěta 1868

I  Jan 3,14–21

II Rom 5,1–5(6–11)

III Jez 5,1–7

IV Mt 26,36–46

V Mk 12,1–12

VI 4 Mojz 21,4–9

Psalm tyźenja: Ps 25,1–9

¹[…] Za tobu, Kněžo, ja póžedam.
²Mój Bog, ja se naźejam na tebje. Njedaj mě pśiś k sromośe, aby se móje winiki nade mnu njewjaselili.
³Glich njepśiźo k sromośe žeden, kenž na tebje caka; ale k sromośe deje pśiś wóni, te njerodne zanicowarje.
⁴Kněžo, pokaž mě twóje drogi a wuc mě twóje sćažki.
⁵Wjeź mě w twójej wěrnosći a wuc mě, pśeto ty sy ten Bog, kenž mě pomoga, źeńk ak źeńk ja na tebje cakam.
⁶Spominaj, Kněžo, na twóju zmilnosć a na twóju dobroś, kótaraž wót zachopjeńka togo swěta how jo była.
⁷Njespominaj na grěchy mójeje młodosći, daniž na mójo pśestupjenje, spominaj pak na mnjo za twójeju zmilnosću, twójeje dobrośi dla.
⁸Bog Kněz jo dobry a wěrny, togodla rozwucujo wón grěšnikow na droze
⁹a wjeźo pónižnych pšawje, a wucy pónižnych swóju drogu.

Glědaj teke: Dolnoserbska Biblija wót lěta 1868 Ps 25,1–9

Epistola: Rom 5,1–5(6–11)

Za: Dolnoserbske perikopy. Wudawaŕka: Madlena Norberg. Chóśebuz: Źěłowa kupka Dolnoserbske perikopy 2011.

¹Dokulaž smy něnt wupšawjone pśez tu wěru, mamy měr z Bogom pśez našogo Kněza Jezom Krista;
²pśez njogo mamy my wěrjece teke pśistup ku gnaźe, we kótarejž stojmy, a my se chwalimy naźeje teje pśichodneje kšasnosći, ako ju Bog dajo.
³Nic pak jano to, ale my chwalimy se tež we tešnosćach, dokulaž wěmy, až tešnosć wunjaso sćerpnosć,
⁴sćerpnosć pak pśinjaso wopokazanje, wopokazanje pak naźeju,
⁵naźeja pak njedajo zaginuś; pśeto Bóža lubosć jo wulata do našych wutšobow pśez swětego Ducha, ako nam jo dany.
(⁶Pśeto Kristus, jo za nas njepóbóžnych wumrěł južo we casu, ako hyšći słabe běchmy.
⁷Něto pak wumrějo lěbda něcht za pšawdosćiwego luźa; ale za to dobre wumrěś se snaź něcht dowažyjo.
⁸Bog pak wopokazujo swóju lubosć k nam we tom, až jo Kristus za nas wumrěł, ako hyšći grěšniki běchmy.
⁹Šym wěcej buźomy něnto pśez njogo wobzwarnowane pśed gniwom, za tym až smy wupšawnjone pśez jogo kšej!
¹⁰Pśeto gaž smy z Bogom wujadnane pśez smjerś jogo Syna, ako hyšći winiki běchmy, śim wěcej buźomy něnto zbóžne pśez jogo žywjenje, za tym, až smy něto wujadnane!
¹¹Nic pak jano to, ale my se teke chwalimy we Bogu pśez našogo Kněza Jezom Krista, wót kótaregož něnto smy dostali to wujadnanje.)

Ewangelium: Jan 3,14–21

Z dolnoserbskeje Biblije wót lěta 1868:

Jan 3,14–21